Як на Закарпатті в давнину проходили весілля

Треба шатер было збити, В дворі в молодойі. Лавиці й столы зробити Из дошкы сухойі. Завозили повно рінча, Вбы могли играти... Щий подлагы - музыкантам Треба избивати... Курагов на вході клали, Вбы далеко видко, И ковры на стінах в шатрі, Вбы ни было дико. Фаттьовы тыждинь майстровали, Мали туй гостину, А щий добре вупивали Кажду Божу днину... Молоді йшли гурі селом Пішком - вулицями... Щий музикы з ними йшли, З бубном тай гуслями. Всиридині у шатрови, Сідали за столы... Сыпали йім піловину, Тамкы по-пуд ногы. Офіціанту туй ни было, Сокачкы ходили... Вни сирота и ладили, Й на столы носили. Ни было "козацького" стола, "Фруктового" - тоже, Йіда была натуральна, Вта, що давись Боже... Хуть май бідна была свальба, Та вна май весела... Далеко йі было чути, На ушиткі села... Типирь майете дві свальбы, Мош йих поруняти... Яка з них май близька д сирцю, Хотів бы я знати... 26.04.2018 р. В.І.Попик