Чи то правда, що жінки на Закарпатті так готувалися до свята?

В ОЖИДАНИЇ 8 МАРЦА...😁 (фіґлярноє) Шіфон вдкрыву я из рана: Хочу быти я паранна! Маву быти як царевна! Як из казкы королевна! Буду я для всіх сюрприз А для когось - главний приз ! Довго сято йсе м чекала, 100 раз шаты приміряла: То коктейльові - черлині, Вать вечурні - темно-сині, У полоску, і у ромбик , З машликом, і ззаду ґомбик... Убралам си накониць: Чорноє, вд ньому віниць! Не віниць - скорше коруна! Бо я не якась паскудна, Зачухана молодиця, Я звізда! Огинь-дівиця! Перша дівка на село, Не якоєсь помело! А як йще ся намалюву, Лабутены я обуву, Убіґлюву си волосся Як артісты усі носять, Тоды буду не звізда, Буду -SuperStar! Мечта! Надіву усі перстині Мало тиснуть, персты - сині. Най усі видять, што маву! Што ціну собі я знаву! Што лем стойить марафет?! Блєск, як папірь из конфет Переливаться на сонцю- Чорні бровы - чад из гонцю, Держить файно і бетярсько! Дам румян мало мадярських, Вбы впозірувати свíжо! Най всі знавуть : моду рíжу! Йсе гламур, а не село! Щастя вд комусь зась прийшло! Всьо! Готова! Завтра я Почекаву короля! Што мені принц на коньови?! Я мечтаву про фатьова Мінімум за йсись піар Привезе го ,,Jaguar,,! Де таку найде модель, Што всьо носить од SHANELь Бризну на ся я VERSACHE, Така м файна- мама плаче! Здрастуй новоє жыття,. І любов до забуття! Най вже буде скорше завтра! Най жыє Восьмое марта!